សល់រយៈពេលតែជិតពីរសប្តាហ៍ទៀតប៉ុណ្ណោះទីផ្សារដោះដូរនៅតំបន់អឺរ៉ុបនឹងសម្រេចផ្អាកចោល ហើយក្រុមនីមួយៗត្រូវផ្តោតសំខាន់លើការប្រកួតទាំងក្នុងនិងក្រៅលីគជំនួសវិញ។
សម្រាប់អ្នកចាត់ការលោក Zinedine Zidane របស់ក្លឹប Real Madrid ហាក់មិនបោះបង់ពេលវេលាដែលសេសល់នេះឡើយ ពោលគឺលោកកាន់តែដុតដៃដុតជើងឆ្មក់យកកីឡាករវ័យ ២៧ ឆ្នាំរបស់ Tottenham នោះគឺ Christian Eriksen ក្រោយពីបរាជ័យនាំយក Paul Pogba របស់ Man Utd។
យោងតាមសារព័ត៌មាន Don Balon បានចុះផ្សាយថាក្លឹបកំពុងកៀកជិតជុំវិញការនាំយកកីឡាករដាណឺម៉ាកមក Bernabeu ដែលជាជម្រើសធូរថ្លៃជាងការចាយលើ Pogba។
ប្រសិនណាកិច្ចព្រមព្រៀងជោគជ័យនោះអនាគតរបស់ James Rodriguez, Isco, Casemiro ជាដើម ក៏អាចថានឹងកាន់តែលំបាក ស្របពេលកុងត្រារបស់ពួកគេក៏កៀកនឹងបញ្ចប់ដូចគ្នាផងដែរ។ ប្រភព៖ FoxSportAsia