រាប់តាំងពីចូលរួមជាមួយក្លឹប FC Barcelona នាឆ្នាំ ២០១៧ ខ្សែប្រយុទ្ធស្លាប Ousmane Dembele បានរងបញ្ហារបួសចំនួន ៦ លើករួចមកហើយ ពោលគឺស្មើរយៈពេលប្រមាណ ២២៨ ថ្ងៃដែលត្រូវសម្រាកព្យាបាល។
ក្នុងការរបួស ៦ លើក គឺនៅលើកដំបូងបង្អស់ដែលត្រូវចាយពេលសម្រាកយូរជាងគេបង្អស់ដល់រយៈពេលច្រើនជាង ១០០ ថ្ងៃ។ សរុបចំនួនប្រកួតទាំងអស់របស់ Dembele មានត្រឹម ៦៦ ដងគត់ ខណៈចំនួនប្រកួតពេញលេញដែលគេរំពឹងអាចចូលលេងមានដល់ទៅ ១២០ លើក។
បញ្ជាក់ថា Barcelona បានចាយលុយធំប្រមាណ ១២០ លានអឺរ៉ូក្នុងការនាំយកកីឡាករបារាំងចេញពីក្លឹប Borussia Dortmund ដែលវាជាទំហំចំណេញដ៏ធំមួយសម្រាប់ក្លឹបអាល្លឺម៉ង់ ព្រោះគ្រាទិញចេញពី Rennais នៅឆ្នាំ ២០១៦ ចាយអស់ ១៥ លានអឺរ៉ូប៉ុណ្ណោះ។ ប្រភព៖ AF