លោក Ole Gunnar Solskjaer អ្នកចាត់ការក្រុម Manchester United បានបញ្ជាក់ថាកីឡាករ Pogba និង Rashford គឺជាបេក្ខភាពទាត់បាល់ប៉េណាល់ទីទាំងពីរនាក់។
យប់មិញនេះ Rashford បានផ្ដល់បាល់ប៉េណាល់ទី១គ្រាប់ឱ្យ Pogba ស៊ុត ហើយបាល់១គ្រាប់សំខាន់នេះ មិនចូលទីនោះទេ ដែលធ្វើឱ្យក្រុម Man Utd បានត្រឹមស្មើ Wolves ក្នុងលទ្ធផល ១-១។ អ្នកគាំទ្រជាច្រើនបានបន្ទោសទៅលើការសម្រេចចិត្តនេះ ត្បិតអីកំណត់ត្រា Pogba ទាត់ប៉េណាល់ទីមិនល្អដូច Rashford ឡើយ។
យ៉ាងណាមិញ លោក Ole ដែលជាអ្នកចាត់ការក្រុម Man Utd បានបញ្ជាក់ថាកីឡាករទាំងពីរខាងលើគឺជាបេក្ខភាពទាត់បាល់ប៉េណាល់ទីដូចគ្នា។ ដូច្នេះមិនមែនជាកំហុសអ្នកណានោះទេ។ មុនការទាត់បាល់នេះ Rashford បានសួរទៅ Pogba ដើម្បីចង់ដឹងថារូបគេចង់ទទួលឬអត់ ព្រោះបាល់១គ្រាប់នេះគឺ Pogba ជាអ្នកដួលក្នុងប្រអប់គ្រោះថ្នាក់។ លោកបានបន្ដទៀតថា នេះមិនមែនជាកំហុសរបស់កីឡាករក្នុងក្រុមណាម្នាក់នោះទេ៕ប្រភព៖ Dailymail