ក្រុមបិសាចក្រហម Manchester United ទទួលបាន១ពិន្ទុប៉ុណ្ណោះក្នុងការប្រកួតសប្ដាហ៍ទី២លីគកំពូលអង់គ្លេស ក្រោយពីលេងស្មើក្រុម Wolves ក្នុងលទ្ធផល ១-១។
នៅក្នុងការប្រកួតនេះខ្សែប្រយុទ្ធវ័យក្មេង Anthony Martial បានស៊ុតឲ្យបិសាចក្រហមនាំមុខមុននៅតង់ទី១ ប៉ុន្តែត្រូវ Rúben Neves បានជួយឲ្យក្រុមកញ្ជ្រោងតាមស្មើវិញ នៅដើមតង់ទី២។ ការសម្រុកគ្នារវាងក្រុមទាំងពីរក៏កើតមានឡើងទៀត រហូតដល់កីឡាករ Paul Pogba ទទួលបានបាល់ប៉េណាល់ទី១គ្រាប់ តែគួរឱ្យសោកស្ដាយ១គ្រាប់នេះ រូបគេមិនអាចធ្វើបានសម្រេចឡើយ។ ចប់ការប្រកួត Man Utd ចែកគ្នាម្នាក់១ពិន្ទុជាមួយ Wolves ក្រោយស្មើគ្នា ១-១។
Man Utd ឆ្លងកាត់២ប្រកួតមកនេះ មាន៤ពិន្ទុ ឈរនៅលេខ៤ក្នុងតារាង។ ប្រកួតបន្ទាប់របស់បិសាចក្រហម នឹងត្រូវតតាំងជាមួយ Crystal Palace នៅថ្ងៃទី២៤ខែសីហាឆ្នាំ២០១៩ខាងមុខនេះ៕ប្រភព៖ Dailymail