ក្លឹប Bayern Munich បានចុះហត្ថលេខាផ្លូវការជាមួយការមកដល់របស់ Philippe Coutinho លើលក្ខខណ្ឌខ្ចីជើងចេញពីក្លឹប FC Barcelona នៅថ្ងៃចន្ទនេះ សម្រាប់រយៈពេល ១ ឆ្នាំ។ កីឡាករប្រេស៊ីលបានក្លាយជាអ្នកជំនួសគោលដៅ Leroy Sane ដែលក្លឹបអាល្លឺម៉ង់ចង់បាន តែចៃដន្យត្រូវជួបបញ្ហារបួស។
សម្រាប់ក្លឹប Bayern Munich ក៏មានសិទ្ធទិញផ្តាច់ Coutinho ដែលត្រូវផុតកុងត្រាខ្ចីជើងនាថ្ងៃទី ៣០ មិថុនា ឆ្នាំ ២០២០ លើតម្លៃខ្លួនប្រមាណ ១២០ លានអឺរ៉ូ។ ជាងនេះ Bayern ត្រូវចំណាយប្រមាណ ៨,៥ លានអឺរ៉ូសម្រាប់ការផ្ទេរចេញនេះ។
ជជែកដល់ការផ្លាស់ចូលរបស់ Coutinho នាយកប្រតិបត្តិលោក Karl-Heinz Rummenigge បាននិយាយថា៖ “យើងបានដុតដៃដុតជើងក្នុងការនាំយក Coutinho មួយរយៈមកហើយ ពេលនេះយើងពិតជារីករាយដែលអាចឈានដល់ភាពជោគជ័យ ហើយក៏អរគុណដល់ Barcelona ដែលបានយល់ព្រម”។
#ServusCoutinho! 👋😊🇧🇷
➡️ https://t.co/dYTK6kjTJB pic.twitter.com/Sz7LTFwNvw
— FC Bayern Munich (@FCBayernEN) August 19, 2019
លោកបន្ត៖ “ជាមួយនឹងភាពប៉ិនប្រសព្វនិងជំនាញរបស់ Coutinho រូបគេនឹងក្លាយកីឡាករមួយរូបដែលអាចពង្រឹងប្រព័ន្ធប្រយុទ្ធរបស់យើងបាន”។ ប្រភព៖ FoxSportAsia