ក្រុម Chelsea ក្រោមការដឹកនាំរបស់ Lampard នៅមិនទាន់ស្គាល់ជ័យជម្នះនោះទេ ដោយប្រកួតទី២យប់មិញនេះបានត្រឹមស្មើក្រុម Leicester City ១-១ ប៉ុណ្ណោះ។
ការប្រកួតនេះគេនៅតែសង្កេតឃើញក្រុម Lampard ទុកចិត្តយុវជនរបស់ខ្លួនដដែល។ ជាក់ស្ដែងពួកគេបាននាំមុខក្រុមភ្ញៀវមុននៅនាទីទី៧ ដោយ Mason Mount តែនៅនាទី៦៧កីឡាករ Wilfred របស់ Leicester រកគ្រាប់បាល់តាមស្មើវិញបាន។ លទ្ធផល ១-១ នេះរក្សារហូតដល់ចប់ការប្រកួត ដែលធ្វើឱ្យពួកគេចែកពិន្ទុគ្នាម្នាក់១ពិន្ទុ។
តោខៀវឆ្លងកាត់២ប្រកួតមកនេះ ទើបរកបាន១ពិន្ទុប៉ុណ្ណោះ ព្រោះថាបើកឆាកប្រកួតទី១កន្លងទៅ ពួកគេចាញ់ក្រុម Man Utd ដល់ទៅ ៤-០ ឯណោះ៕ប្រភព៖ dailymail
