Barcelona មិនអាចយក ៣ ពិន្ទុពី Ath.Bilbao បានទេ នៅជុំដំបូងនៃក្របខ័ណ្ឌ LaLiga ក្រោយបរាជ័យក្រោមលទ្ធផល ១-០ ត្បិតប្រើប្រាស់ចំណូលថ្មី Frenkie de Jong និង Antoine Griezmann ក៏ដោយ។
របាយការណ៍ពី Don Balon បានចុះផ្សាយថាតារាឆ្នើម Lionel Messi ដែលខកខានការប្រកួតនោះ បានបង្ហាញការមិនពេញចិត្តចំពោះទម្រង់លេងរបស់ខ្សែប្រយុទ្ធស្លាប Ousmane Dembele ដោយខ្សែប្រយុទ្ធស្លាបសញ្ជាតិបារាំងហាក់ចុះថមថយនូវគុណភាពលេង ដែលបរាជ័យក្នុងការជួយជ្រោមជ្រែងប្រព័ន្ធប្រយុទ្ធរបស់ក្រុមទាំងមូល។
តាមសារព័ត៌មានដដែលបានសង្កត់ធ្ងន់ថា Messi ធ្វើការព្រមានឲ្យ Dembele ចាំបាច់ត្រូវលុតដំខ្លួនជាងនេះ ជាពិសេសក្រោយពេលដែល Philippe Coutinho បានចាកចេញទៅក្លឹប Bayern Munich ហើយនោះ។
នៅ ៩០ នាទីពេញទល់ Bilbao ក្លឹបដឹកនាំដោយ Valverde ស៊ុតចំគោលដៅតែមួយជើងគត់ រហូតដល់នាទី ៨៩ កីឡាករវ័យ ៣៨ ឆ្នាំរបស់គូបដិបក្ខគឺ Aritz Aduriz បានបំបែកគ្រាប់បាល់យកឈ្នះ បន្សល់ ០ ពិន្ទុដល់ក្រុមការពារជើងឯកចាស់។ ប្រភព៖ Foxsportasia
