Pep ​បន្ទោស VAR ​មិន​យុត្តិធម៌​ធ្វើ​ឱ្យ Man City ​របូត​២​ពិន្ទុ​

ក្រុម Manchester City ​ប្រកួត​បាន​ត្រឹម​ស្មើ​ក្រុម Spurs ​២-២ ​ប៉ុណ្ណោះ ​នា​សប្ដាហ៍​ទី​២​លីគ​កំពូល​អង់គ្លេស​កាល​ពី​យប់មិញ​នេះ។១​គ្រាប់​នៅ​នាទី​៩០+២ ​របស់​កីឡាករ Jesus ​ត្រូវ​បាន​បច្ចេកវិទ្យា VAR ​បដិសេធ​មិន​ផ្ដល់​ឱ្យ​នោះ​ទេ ​ដែល​ចំណុច​នេះ​ហើយ ​ធ្វើ​ឱ្យ​លោក Pep ​មិន​ពេញ​ចិត្ត​ទាល់​តែ​សោះ។ លោក​បញ្ជាក់​ថា​បច្ចេកវិទ្យា​កាត់​សេចក្ដី​មួយ​នេះ​នៅ​មាន​បញ្ហា​ច្រើន​ដែល​ត្រូវ​ដោះ​ស្រាយ ​ព្រោះ​ការ​កាត់​សេចក្ដី​ហាក់​មិន​យុត្តិធម៌​នោះ​ទេ។

Pep ​បាន​លើក​ឡើង​ថា​៖ “ពួកគេ​ត្រូវ​ដោះស្រាយ​ច្រើន​ទៀត។ កញ្ចែ​នៅ​លើ​ទីលាន​ពេល​នេះ ​ហាក់​ដូចជា​ស្ងាត់​និង​មិន​ច្បាស់​នោះ​ទេ។ វា​បាន​កើត​ឡើង​តាំង​ពី​សប្ដាហ៍​មុន​ជាមួយ​ក្រុម Wolves ​ហើយ​យើង​បាន​ឃើញ​ការ​ប្រកួត​របស់ Chelsea ​កាល​ពី​ថ្ងៃ​ពុធ​ទៀត។ ​អ្នក​ចាំទី​មិន​បាន​ឈរ​នៅ​លើ​បន្ទាត់​របស់​គាត់​ទេ ​Adrian ​ក្នុង​ការ​ទាត់​ប៉េណាល់ទី។ ​សម្រាប់​ប្រកួត​យើង ​Lamela ​បាន​យក​ដៃ​ប៉ះ​បាល់។ វា​ជា​បាល់​ប៉េណាល់ទី ​ប៉ុន្តែ​បុគ្គលិក VAR ​ពេល​នោះ​កំពុង​ទៅ​ផឹក​កាហ្វេ”៕

ប្រភព៖ DailyMail

ភ្ជាប់ទំនាក់ទំនងជាមួយ CTS SPORT