Mathias Pogba ដែលជាបងប្រុសរបស់ Pual Pogba បានបញ្ជាក់ថាប្អូនរបស់ខ្លួននៅតែចង់ចាកចេញពីក្រុម Manchester United ទៅលេងនៅ Real Madrid ដដែលនៅចុងខែនេះ។
Pogba បានចូលលេងឱ្យក្រុម Man Utd ១ប្រកួតហើយ ដោយឈ្នះក្រុម Chelsea ក្នុងលទ្ធផល ៤-០។ នៅសប្ដាហ៍ទី២នេះ រូបគេនឹងត្រូវចូលជួយក្រុមម្ដងទៀតលេងទល់ក្រុម Wolverhampton ដែលជាប្រកួតមួយសំខាន់ដែរ ព្រោះរដូវកាលមុនក្រុមបិសាចក្រហមលេងមិនឈ្នះក្រុមនេះឡើយ។
ត្បិតតែបានចូលលេងពេញៗម៉ោងមែន ប៉ុន្តែបងប្រុសរបស់ Pogba បានបញ្ជាក់ថាប្អូនរបស់ខ្លួននៅមិនទាន់បានបង្ហាញសមត្ថភាពអស់ពីចិត្តនោះទេ ព្រោះរូបគេនៅតែចង់ចាកចេញដដែល។ នៅចុងខែនេះ Pogba រំពឹងថាការផ្ទេរទៅលេងនៅក្លឹបដទៃ ជាពិសេស Real Madrid នោះ អាចនឹងកើតឡើងបាន៕ប្រភព៖ Dailymail