ខ្សែបម្រើប្រយុទ្ធ Philippe Coutinho ត្រូវបានក្លឹប Bayern Munich ខ្ចីជើង១រដូវកាលហើយ ជាមួយលក្ខខណ្ឌទិញដាច់តែម្ដងថែមទៀត។ នេះបើតាមក្លឹបប្រកាស។
កីឡាករប្រេស៊ីលខាងលើមិនបានចូលជួយក្រុមឡើយក្នុងការប្រកួតដែល Barcelona ចាញ់ក្រុមBilbao ក្នុងលទ្ធផល ១-០ នៅយប់មិញ។ ការមិនបានចូលលេងនេះ គឺមកពីរូបគេកំពុងត្រៀមខ្លួនដើម្បីផ្លាស់ទៅលេងនៅអាល្លឺម៉ង់វិញហើយជាមួយក្រុមយក្ស Bayern Munich ក្រោមលក្ខខណ្ឌខ្ចីជើង។
មុនផ្លាស់ទៅលេងនៅ Bayern នេះ កីឡាករវ័យ២៧ឆ្នាំខាងលើបានបដិសេធមិនព្រមស្ថិតក្នុងបញ្ជីដែលក្រុម Barcelona ដាក់ស្នើទៅក្លឹប PSG ដើម្បីទិញយក Neymar នោះទេ។ រូបគេមិនចង់ទៅលេងនៅលីគបារាំងឡើយ ហើយបើលីគអង់គ្លេសវិញក៏មិនមានចិត្តដែរ។ ដូច្នេះទើបជម្រើសល្អបំផុតគឺ Bayern Munich ៕ប្រភព៖ Dailymail
