សហព័ន្ធបាល់ទាត់អឺរ៉ុប UEFA បានបញ្ចេញបញ្ជីឈ្មោះកីឡាករ៣នាក់ចុងក្រោយឈ្នះពាន UEFA Best Players of the Year ហើយ ដោយក្នុងនោះរួមមាន Van Dijk, Messi និង Ronaldo ។
អ្នកឈ្នះពានរង្វាន់ខាងលើនឹងប្រកាសនៅថ្ងៃទី២៩ចុងខែនេះ ជាថ្ងៃដែល UEFA ចាប់ក្រុមតាមពូលដើម្បីលេងពានរង្វាន់ UEFA Champions League រដូវកាលថ្មីតែម្ដង។ Van Dijk ដែលជាខ្សែការពារកំពុងមានប្រៀបជាងគេ ព្រោះរូបគេបានជួយក្រុម Liverpool លើកពាន UEFA Champions League និងទើបឈ្នះពាន UEFA Super Cup ថែមទៀតផង។
ស្របពេល Messi វិញ ជា Top Scorers ក្នុង Champions League ហើយក៏ជាម្ចាស់ស្បែកជើងមាសនៅ European Golden Shoe ផងដែរ។ កីឡាករអាហ្សង់ទីននេះ រដូវកាលមុនជួយក្រុម Barcelona ឈ្នះ La Liga ប៉ុន្តែមិនអាចលើកពាន Champions League បានទេ។ Ronaldo វិញ ចូលដល់៣នាក់ចុងក្រោយនេះ ក្រោយពីជួយ Juventus លើកពានក្នុងស្រុក ហើយបញ្ចប់រដូវកាលដោយរកបាន២៨គ្រាប់ក្នុងឆ្នាំដំបូងរបស់ខ្លួននៅអ៊ីតាលី។ អតីតកីឡាករ Real Madrid នេះក៏បានជួយជម្រើសជាតិព័រទុយហ្គាល់លើកពាន Nations League ដែរ ដែលខ្លួនជា Top Scorer ក្នុងកម្មវិធីនេះ៕ប្រភព៖ Dailymail
