• Maradona ៖ ​បើ​អាហ្សង់ទីន​ធ្លាក់​ក្នុង​ពូល ​អីចឹង​គ្រូ​បង្វឹក​កុំ​ចូល​ប្រទេស​ឱ្យ​សោះ

    អាហ្សង់ទីន ​កំពុង​រង​សម្ពាធ​ពី​អ្នក​គាំទ្រ ​ប្រសិន​បើ​ពួកគេ​មិន​អាច​ឆ្លង​ផុត​ពូល​នៃ​ព្រឹត្តិការណ៍ World Cup 2018 ​ដែល​ធ្វើ​ឡើង​នៅ​ប្រទេស​រុស្ស៊ី​នេះ​បាន។

    ស្រប​ពេល​ដែល​ពួកគេ​រក​បាន​ត្រឹម​១​ពិន្ទុ​ពី​ក្រុម​អ៊ីស្លង់ ​ក្នុង​ប្រកួត​បើក​ឆាក ​ហើយ​ត្រូវ​តតាំង​ជាមួយ​ក្រុម​ក្រូអាត​ទៀត​នា​រាត្រី​នេះ។ អាហ្សង់ទីន ​ប្រសិន​បើ​ពួកគេ​បរាជ័យ​ឬ​បាន​ត្រឹម​ស្មើ​នោះ ​ការ​ឡើង​ទៅ​វគ្គ​បន្ដ​របស់​ពួកគេ ​អាច​នឹង​ប្រឈម​មុខ​ខ្លាំង​ក្នុង​ការ​ប្រកួត​ចុងក្រោយ ​ខណៈ​ដែល​បើ​ឈ្នះ​វិញ ​នោះ​វា​នឹង​ងាយ​ស្រួល​បន្ដិច​សម្រាប់​ប្រកួត​បន្ទាប់។

    ជាមួយ​គ្នា​នេះ​ដែរ Maradona ​អតីត​គ្រូ​បង្វឹក​និង​ជា​កីឡាករ​ឆ្នើម​បំផុត​របស់​អាហ្សង់ទីន ​បាន​និយាយ​ដែរ​ថា​ប្រសិន​បើ​អាហ្សង់ទីន​មិន​អាច​ឆ្លង​ផុត​ពូល​បាន ​នោះ​វា​ជា​រឿង​អាម៉ាស់​ខ្លាំង​ណាស់​ក្នុង​ព្រឹត្តិការណ៍ World Cup ​នេះ។ ​លោក  Jorge Sampaoli ​គ្រូ​បង្វឹក​អាហ្សង់ទីន ​មិន​សម​ចូល​ប្រទេស​ទៀត​ទេ ប្រសិន​បើ​លោក​មិន​អាច​នាំ​អាហ្សង់ទីន​ឡើង​វគ្គ​បន្ដ។

    Maradona ​បាន​បញ្ជាក់​ទៀត​ថា ​ការ​ស្មើ​អ៊ីស្លង់ ​មិន​មែន​ជា​កំហុស​របស់ Messi ​តែ​ម្នាក់​នោះ​ទេ។ សមាជិក​ក្រុម​ទាំង​មូល​ត្រូវ​មាន​ភាព​ទទួល​ខុស​ត្រូវ។ បាល់ទាត់​បើ​ពឹង​តែ​លើ Messi ​នោះ ​ក្រុម​ទាំង​មូល​នឹង​មិន​ជោគជ័យ​ឡើយ។ អាហ្សង់ទីន ត្រូវ​សហការ​គ្នា​ឱ្យ​បាន​ល្អ​បំផុត​សម្រាប់​ប្រកួត​ទល់​ក្រុម​ក្រូអាត​យប់​នេះ៕ប្រភព៖ DailyMail

     

     

    ភ្ជាប់ទំនាក់ទំនងជាមួយ CTS SPORT