តារាឆ្នើម Mario Mandzukic កំពុងឈរលើភាគរយខ្ពស់សម្រាប់ការចាកចេញពីទឹកដី Allianz Stadium ពោលគឺក្រោយតែពីការមកដល់របស់ Cristiano Ronaldo កីឡាករក្រូអាតហាក់មើលឃើញអនាគតរបស់ខ្លួនរួចស្រេចបាត់ទៅហើយ។
កន្លងមក Mandzukic ក៏មានដំណឹងថាគ្រោងផ្លាស់ទៅ Man Utd ជាមួយនឹង Dybala លើថ្នូរប្តូរយក Lukaku មក Turin តែក្រោយកីឡាករបែលហ្សិកផ្លាស់ទៅ Inter គ្រប់យ៉ាងក៏ត្រូវបញ្ចប់ទៅវិញ។
តាមរយៈការចង់បានថ្មីមួយផ្សេងទៀតរបស់ខ្សែប្រយុទ្ធវ័យចំណាស់រូបនេះគឺសម្លឹងឃើញការវិលត្រលប់ទៅ Bayern Munich ចាប់ដៃជាមួយអ្នកចាត់ការលោក Niko Kovac និងមួយផ្សេងទៀតអាចទៅចូលរួមនៅ Borussia Dortmund ត្បិតអតីតកាលខ្លួនធ្លាប់ជាកីឡាករគូប្រជែងរបស់ Bayern ក៏ដោយ។ ប្រភព៖ Calciomercato
