ភ្នាក់ងារ​ដោះដូរ​កីឡាករ៖ Bale ​សុខ​ចិត្ត​ទៅ​ឋាន​ព្រះ​ចន្ទ ​មិន​ទៅ Arsenal ​ទេ

Gareth Bale មិន​ទាន់​សម្រេច​ចិត្ត​ថា​នឹង​ទៅ​លេង​នៅ​ក្លឹប​ណា​បន្ដ​នៅ​រដូវកាល​ថ្មី​ខាង​មុខ​នេះ​ទេ ប៉ុន្តែ​បាន​បញ្ជាក់​យ៉ាង​ច្បាស់​រូបគេ​មិន​ទៅ​ចូលរួម​ជាមួយ Arsenal ​ឡើយ។

អនាគត Bale ​នៅ​ក្លឹប Real Madrid ​មិន​ទាន់​ច្បាស់​នៅ​ឡើយ​ទេ ​បើ​ទោះ​ជា​បាន​អ្នក​ចាត់ការ​ថ្មី​ក៏​ដោយ។ យ៉ាងណាមិញ ​ភ្នាក់ងារ​កីឡាករ​ជម្រើស​ជាតិ​វែល​រូប​នេះ ​បាន​បញ្ជាក់​ថា Bale ​ចង់​លេង​ឱ្យ​បាន​ច្រើន  ប្រសិន​បើ Real Madrid ​ចង់​រក្សា​រូបគេ ​ហើយ​ធានា​បាន​នៅ​កៅអី​ជម្រើស​ដំបូង។ មួយ​វិញ​ទៀត ​ប្រសិន​បើ​មាន​ការ​ចាកចេញ​មែន ​នោះ​ក្លឹប​ថ្មី​នឹង​មិនមែន Arsenal ​ឡើយ។

លោក Jonathan Barnett ​ភ្នាក់ងារ​របស់ Bale ​បាន​បញ្ជាក់​បន្ថែម​ថា​៖ “Bale ​ចង់​ឈ្នះ​ពាន​រង្វាន់ Ballon d’Or ​។ គាត់​ចង់​ធ្វើ​ឱ្យ​បាន​ល្អ​ជាង​ឆ្នាំ​មុន​ៗ​ទៀត។ ខ្ញុំ​គិត​ថា​គាត់​ជា​កីឡាករ​ម្នាក់​ឈាន​ដល់​កម្រិត​កំពូល Top 4 ​នៅ​លើ​លោក​នេះ​ហើយ។ សម្រាប់​គាត់​លុយ​មិនមែន​ជា​រឿង​សំខាន់​ទៀត​ឡើយ”។

បច្ចុប្បន្ន​នេះ មាន​ក្លឹប​ Manchester United ​មួយ​ដែល​កំពុង​ទាក់ទង​យក Bale ។ ស្រប​ពេល​សាមី​ខ្លួន​ក៏​បាន​បង្ហើប​ថា​ចង់​ទៅ​លេង​នៅ​លីគ​អង់គ្លេស​វិញ​ដែរ ប៉ុន្តែ​មិន​ទៅ​លេង​ឱ្យ Arsenal ​ឡើយ។ ​លោក Barnett ​បញ្ជាក់​ថា Bale ​សុខ​ចិត្ត​ទៅ​លេង​នៅ​ឋាន​ព្រះ​ចន្ទ ​ក៏​មិន​ទៅ​កាំភ្លើង​ធំ​ដែរ៕ប្រភព៖ DailyMail

 

 

ភ្ជាប់ទំនាក់ទំនងជាមួយ CTS SPORT