Real Madrid ពុំបានបោះបង់ការចង់បាន Neymar មក Bernabeu នោះឡើយ ដោយតាមរបាយការណ៍ចុងក្រោយបង្អស់ស្តេចសបានដាក់សំណើនូវកីឡាករ Vinicius Junior ដើម្បីដោះដូរយកជើងឆ្នើម Neymar Junior របស់ក្លឹប Paris Saint-Germain។
ប្រភពពី Sport បានឲ្យដឹងថាអ្នកដឹកនាំលោក Florentino Perez បានដាក់ Vinicius ក្នុងគ្រោងការណ៍ដោះដូរយកខ្សែប្រយុទ្ធសញ្ជាតិប្រេស៊ីល Neymar ក្រោយពេល Zidane ក៏បានបង្ហាញការមិនពេញចិត្តលើគុណភាពលេងរបស់យុវជនរូបនេះប៉ុន្មានដែរ ទើបហ៊ានបើកភ្លើងខៀវឲ្យចាកចេញ។
សារនេះធ្វើឡើងបន្ទាប់ពីបេក្ខភាពឯទៀតដូចជា Gareth Bale, Luka Modric និង Isco បានបដិសេធមិនយល់ស្របលើផែនការណ៍ដែលក្លឹបចង់ដាក់ពួកគេលើសំណើដោះដូរ។ តាមហាងឆេងទីផ្សារសព្វថ្ងៃ Vinicius អាចមានតម្លៃប្រហែល ៧០ លានអឺរ៉ូ។ ប្រភព៖ AF