ខ្សែប្រយុទ្ធស្លាប Mane នឹងត្រូវចូលលេងឱ្យក្រុម Liverpool នៅរាត្រីនេះ ក្នុងការប្រកួតពានរង្វាន់ UEFA Super Cup ទល់ក្រុម Chelsea វេលាម៉ោង២រំលងអាធ្រាត្រ។
កីឡាករសេណេហ្គាល់ខាងលើនេះ មុនការប្រកួតឈានមកដល់ ក៏បានបង្ហាញពីអារម្មណ៍ហត់នឿយចំពោះបាល់ទាត់នេះផងដែរ ដោយរូបគេមានពេលសម្រាកត្រឹម២សប្ដាហ៍ប៉ុណ្ណោះ មុនពេលបើករដូវកាលលីគកំពូលអង់គ្លេសជួយក្រុម Liverpool វិញ។ តែទោះជាហត់យ៉ាងណាក្ដី កីឡាករល្បឿនលឿននេះថាខ្លួនត្រៀមជាស្រេចហើយសម្រាប់ក្រុមហង្សក្រហមយកឈ្នះ Chelsea ។
“ច្បាស់ណាស់ ខ្ញុំត្រៀមរួចរាល់សម្រាប់ចូលលេង។ ភាពហត់នឿយគីមានតែក្នុងក្បាលប៉ុណ្ណោះ។ ខ្ញុំមិនដែលគិតថាខ្ញុំមានវិស្សមកាលនោះទេក្នុងរយៈពេល៧ឆ្នាំមកហើយ។ ដូច្នេះខ្ញុំអាចយល់និងធ្វើចិត្តបាន”។ សម្ដី Mane ៕ប្រភព៖ Dailymail
