ក្រុម Liverpool នឹងត្រូវតតាំងជាមួយក្រុម Chelsea នៅម៉ោង២រំលងអាធ្រាត្រនេះ ក្នុងការប្រកួតពានរង្វាន់ UEFA Super Cup ។
មុនការប្រកួតនេះចាប់ផ្ដើម លោក Frank Lampard អ្នកចាត់ការថ្មីរបស់ក្រុម Chelsea បានលើកឡើងថាក្រុមរបស់លោកនឹងមិនញញើតក្រុម Liverpool។ ការប្រកួតនៅរាត្រីនេះ លោកនឹងប្រើប្រាស់កីឡាករក្មេងៗរបស់ខ្លួនដដែល ដែលកំពុងមានសមត្ថភាព។ បើទោះជាប្រកួតទល់ Man Utd ពួកគេបានបង្កកំហុសច្រើនមែន ប៉ុន្តែលោកនៅតែជឿជាក់និងបន្ដដាក់ឱ្យពួកគេបង្ហាញសមត្ថភាពទៀតនៅរាត្រីនេះ។
“ខ្ញុំចង់ឈ្នះ ខ្ញុំពិតជាចង់ឈ្នះពាននេះណាស់ ប្រសិនបើអ្នកអាចឈ្នះពានរង្វាន់នេះទល់ក្រុម Liverpool ឈ្មោះរបស់អ្នកនឹងចារក្នុងប្រវត្តិសាស្ត្រមិនខាន”។ សម្ដីរបស់ Lampard ៕ប្រភព៖ Dailymail