ផ្តល់កិច្ចសម្ភាសន៍ជាមួយនឹងសារព័ត៌មាន DAZN តារាឆ្នើម Cristiano Ronaldo បានជជែកដល់ការប្រៀបធៀបខ្លួនទៅនឹង Lionel Messi ជុំវិញចំណុចខុសប្លែកគ្នានូវភាពជោគជ័យក្នុងអាជីពបាល់ទាត់។
Ronaldo ដែលបានឈ្នះពានរង្វាន់ទាំងនៅក្លឹប Man Utd និង Real Madrid ដែលសុទ្ធជាពានធំ Champions League ក៏នៅតែមានឱកាសក្នុងការគ្រងពានជាមួយក្លឹបទីបីរបស់ខ្លួននារដូវកាល ២០១៩/២០។
ចំណុចពិសេសនេះហើយដែល Ronaldo បាននិយាយថា៖ “ភាពខុសគ្នាជាមួយនឹងខ្ញុំគឺត្រង់ថាខ្ញុំបានឈ្នះពានរង្វាន់ Champions League ជាមួយក្លឹបផ្សេងគ្នា ហើយជា Top Scorer នៅ UCL ដល់ទៅ ៦ ឆ្នាំជាប់គ្នា”។
លោកបន្ត៖ “សម្រាប់ Messi ជាកីឡាករដ៏អស្ចារ្យដែលសក្តិសមមិនមែនជាមួយតែ Ballon d’Or មួយមុខទេ ប៉ុន្តែសម្រាប់ជោគជ័យនៅកម្រិតខ្ពស់ទាំងអស់ពីមួយឆ្នាំទៅមួយឆ្នាំ ដូចខ្ញុំអ៊ីចឹងដែរ”។ ប្រភព៖ Marca
