ដំបូងឡើយទាក់ទិននឹងវត្តមានរបស់ Sadio Mane នៅប្រកួត UEFA Super Cup បានស្ថិតក្រោមមន្ទិលសង្ស័យ បន្ទាប់ពីរូបគេសម្រាកលំហែកាយរយៈពេលវែងក្រោយឈ្នះជើងឯករងនៅ AFCON Cup ២០១៩។
យ៉ាងណាមិញថ្មីៗនេះក៏ស្រាប់តែលេចមុខកីឡាករសេណេហ្គាល់មកចូលរួមជាមួយហង្សក្រហមលើទីលានហ្វឹកហាត់ និងផ្តល់ចម្លើយយ៉ាងជាក់ច្បាស់ថាខ្លួនបានត្រៀមខ្លួនរួចរាល់សម្រាប់ការតតាំងនៅពានរង្វាន់ UEFA Super Cup ដែលធ្វើឡើងនៅយប់នេះ។
Mane ដែលជាជើងស៊ុតនៅ PL រដូវកាលចាស់បានប្រាប់ថា៖ “ខ្ញុំគិតថាខ្ញុំបានត្រៀមខ្លួនរួចរាល់ហើយ ដោយជាការពិតណាស់ខ្ញុំលេងរយៈពេលយូរហើយ ដោយមិនធ្លាប់គិតថាបានទទួលថ្ងៃសម្រាកលំហែកាយលើសពី ២០ ថ្ងៃទេក្នុងរយៈពេល ៧ ឆ្នាំនេះ តែខ្ញុំទម្លាប់ទៅហើយ ប្រាកដណាស់ខ្ញុំត្រៀមរួចរាល់ជាស្រេច”។ ប្រភព៖ FoxSportAsia
