ក្លឹប PSG មិនបានដាក់អាវរបស់កីឡាករ Neymar លក់ក្នុងតាមស្ដង់របស់ខ្លួនឡើយ ដែលនេះអាចបញ្ជាក់បានថារូបគេប្រហែលជាមិននៅក្លឹបនេះទៀតទេ។
ការចាកចេញរបស់ Neymar ប្រហែលកាន់តែកៀកមែនទែនហើយ ក្រោយពីក្លឹបមួយនេះបញ្ឈប់ការលក់អាវរបស់កីឡាករប្រេស៊ីលទៅហើយនៅតាមបណ្ដាស្ដង់របស់ខ្លួន។ បច្ចុប្បន្ននេះ មានតែ Real Madrid មួយប៉ុណ្ណោះដែលគេសង្កេតឃើញថាមានភាគរយច្រើនជាងគេក្នុងការនាំយកកីឡាករប្រេស៊ីលខាងទៅរួមក្រុម។ ដោយឡែកខាង Barcelona វិញ ទាំងអ្នកចាត់ការ និងប្រធានក្លឹបហាក់ព្រងើយកន្តើយទៅលើការទិញយកអតីតកីឡាករខ្លួនហើយ។
Neymar ជាកីឡាករមានតម្លៃខ្លួនថ្លៃបំផុតលើលោក គ្រាដែលរូបគេត្រូវបានក្រុម PSG ទិញពីក្រុម Barcelona មក។ លេងនៅទឹកដីបារាំង ខ្សែប្រយុទ្ធរូបនេះនៅតែបន្ដស្វែងរកគ្រាប់បាល់សឹងគ្រប់ប្រកួត ប៉ុន្តែរបួស និងការមិនអាចឈ្នះ Champions League បាន ធ្វើឱ្យសាមីខ្លួនលែងចង់បន្ដលេងនៅលីគកំពូលបារាំងទៀតហើយ៕ប្រភព៖ Marca