ខ្សែបម្រើប្រយុទ្ធ Coutinho នឹងមិនចាកចេញពីក្រុម Barcelona ឡើយនៅរដូវកាលដោះដូរកីឡាករនេះ។ នេះបើតាមក្លឹប Barca បានប្រកាស។
ដំបូងឡើយក្រុមបានដាក់រូបគេក្នុងបញ្ជីលក់ចេញ ឬដោះដូរដើម្បីបានកីឡាករថ្មី។ តែវិធីសាស្ត្រទាំងនោះ ហាក់មិនជោគជ័យឡើយ រូបគេមិនអាចចាកចេញពីក្រុមបានឡើយ ព្រោះក្លឹបទាំងអស់ដែលចង់បាន សុទ្ធតែមិនហានផ្ដល់តម្លៃដែលក្រុម Barcelona អាចលក់ចេញបាន។ ដោយសារតែមិនអាចបញ្ចេញទៅណាបាន ពេលនេះក្រុមអ្នកមានបុណ្យក៏បានប្ដូរចិត្តវិញហើយដែរ ថាមិនលក់កីឡាករប្រេស៊ីលនេះឡើយ។
Coutinho ផ្លាស់ពីក្រុម Liverpool មកកាលពីឆ្នាំ២០១៨កន្លងទៅ ប៉ុន្តែរូបគេមិនអាចលេងត្រូវចិត្តអ្នកចាត់ការបានឡើយ ទើបបានជាមានឈ្មោះក្នុងបញ្ជីត្រូវលក់ចេញបែបនេះ។ ក្រុម Barca ចង់ឱ្យក្រុមហង្សក្រហមទិញយកត្រលប់ទៅវិញដែរ ប៉ុន្តែលោក Klopp បញ្ជាក់យ៉ាងច្បាស់ថាលោកមិនអាចចាយលុយធំទិញកីឡាករបានទៀតនោះទេរដូវក្ដៅកន្លងទៅនេះ៕ប្រភព៖ Darca