លោក Mauricio Pochettino អ្នកចាត់ការក្រុម Spurs បានបញ្ជាក់ថាលោកត្រូវតែឈ្នះពានរង្វាន់ជាមួយក្រុមនេះឱ្យទាន់តែបាន ព្រោះចូល Top4 មិនមែនជាគោលដៅទៀតទេ។
ក្រុម Spurs មួយរយៈចុងក្រោយនេះធ្វើបានល្អមែនទែន ដោយតែងតែជាប់ឈ្មោះក្នុងតំបន់ Top4 បានលេងពានរង្វាន់ UEFA Champions League រហូត។ កត្តាធ្វើបានល្អជាប់ៗគ្នានេះហើយ បានធ្វើឱ្យលោក Pochettino បានបញ្ជាក់ប្រាប់អ្នកគាំទ្រថាដល់ពេលត្រូវក្រុមផ្ដោតលើការឈ្នះពានហើយ។ Spurs ជាក្រុមដែលទើបចំណាយប្រាក់ជាង១ពាន់លានដុល្លារសាងសង់កីឡដ្ឋានថ្មីរបស់គេឡើង ដូច្នេះពួកគេក៏ត្រូវមានអ្វីមកលើកក្នុងកីឡដ្ឋានដ៏ប្រណិតនេះដែរ។
លោក Pochettino បានបន្ដទៀតថា៖ “Top 4 សម្រាប់យើងគឺមិនគ្រប់គ្រាន់ទេ ខ្ញុំត្រូវការលើកពាន។ អារម្មណ៍ផ្ទាល់របស់ខ្ញុំគឺត្រូវតែលើកពានរង្វាន់មួយឱ្យបាន Carabao Cup, FA Cup, Premier League ឬ Champions League”៕ប្រភព៖ Dailymail