ខ្សែប្រយុទ្ធ Gabriel Jesus នឹងត្រូវអវត្តមានមិនអាចលេងឱ្យជម្រើសជាតិប្រេស៊ីល២ខែ ដោយសារតែការមិនពេញចិត្ត VAR ដែលផ្ដល់កាតក្រហមឱ្យខ្លួន។
ក្នុងការប្រកួតវគ្គផ្ដាច់ព្រ័ត្រ Copa America កន្លងទៅ ក្រុមប្រេស៊ីលបានយកឈ្នះលើក្រុមប៉េរូ ៣-១ នៅវគ្គផ្ដាច់ព្រ័ត្រ ដោយគ្រានោះប្រេស៊ីលមានកីឡាករបានកាតក្រហមម្នាក់គឺ Jesus។ ការបានកាតក្រហមនេះដែរ បានធ្វើឱ្យសាមីខ្លួនផ្ទាល់មិនពេញចិត្តឡើយ ដោយបានចោទប្រកាន់ទៅ VAR ថាកាត់សេចក្ដីមិនយុត្តិធម៌ ទើបរូបគេទទួលបានកាតក្រហមនេះ។
មិនពេញចិត្តនេះបានធ្វើឱ្យ Jesus ខឹងខ្លាំង រហូតពេលដើរចូលបន្ទប់ផ្លាស់សំលៀកបំពាក់ បានវាយកន្លែងអាជ្ញាកណ្ដាល ថែមទៀត ហើយរត់ទៅអង្គុយយំម្នាក់ឯង។ ទង្វើវាយកន្លែងអាជ្ញាកណ្ដាលកាត់សេចក្ដីរបស់ VAR នេះ បានធ្វើឱ្យគេពិន័យខ្សែប្រយុទ្ធរបស់ក្រុម Man City នេះ ២ខែ មិនឱ្យចូលលេងឱ្យក្រុមជម្រើសជាតិប្រេស៊ីលនោះទេ៕ប្រភព៖ dailymail