ក្លឹប Aston Villa បានក្លាយជាក្លឹបចំណាយប្រាក់ច្រើនជាងគេបំផុតក្នុងការទិញដូរកីឡាករនៅលីគកំពូលអង់គ្លេសនារដូវកាលថ្មីនេះ។
Aston បានឡើងមកលេងលីគកំពូលវិញហើយ ក្រោយខកខានជាច្រើនឆ្នាំមកនេះ។ ដើម្បីត្រៀមខ្លួនឱ្យល្អសម្រាប់លេងលីគវិញ ក្រុមមួយនេះបានទិញចូលកីឡាករច្រើនខ្លាំងមែនទែន ហើយក៏មិនបានលក់ចេញដើម្បីបានប្រាក់ចំណូលវិញផងដែរ។ ពួកគេបានចំណាយលុយផ្ទាល់លើកីឡាកររហូតដល់១៣៧,៥លានផោន ដែលចំនួននេះច្រើនជាងក្រុម Arsenal និង Man Utd ទៅទៀត។
ព្រោះក្រុម Arsenal និង Man Utd នេះ ត្បិតតែពួកគេទិញអស់លុយច្រើនមែន ប៉ុន្តែក៏បានលក់កីឡាករនិងបានដាក់ឱ្យគេខ្ចីជើងបានលុយចូលវិញដែរ។ ខុសអីតែ Aston Villa ចំណាយដល់១៣៧,៥លានផោននេះ គឺចំណាយសុទ្ធឯចំណូលពីទីផ្សារនេះគ្មាននោះទេ។ ក្រុមដែលទទួលបានចំណូលច្រើនជាងគេគឺ Chelsea ដែលបានដល់៧២,៦លានផោន។ ក្រុមនេះបានចំណូលច្រើន ព្រោះពួកគេមិនអាចទិញកីឡាករបាន ដោយអាចត្រឹមទិញយកកីឡាករដែលខ្ចីជើងពីរដូវកាលមុនប៉ុណ្ណោះ។