Spurs ​ទិញ​បាន​ខ្សែ​បម្រើ​ម្នាក់​តម្លៃ​៦០​លាន​ផោន ​តែ​ខ្ចី​ជើង​១​រដូវ​កាល​សិន​

ក្រុម Spurs ​បាន​ប្រកាស​ទិញ​យក​ខ្សែ​បម្រើ Giovani Lo Celso ​ពី​ក្រុម Real Betis ​បាន​ហើយ​ក្នុង​តម្លៃ​ដល់​ទៅ​៦០​លាន​ផោន​ឯ​ណោះ។

ទន្ទឹម​គ្នា​នឹង​ការ​ប្រកាស​ទិញ​បាន​នេះ​ដែរ ​ក្រុម Spurs ​ក៏​បញ្ជាក់​ច្បាស់​ដែរ​ថា​ខ្ចី​ជើង​រូបគេ​១​រដូវ​កាល​សិន ​ហើយ​ផុត​ពី​១​រដូវ​កាល​ថ្មី​ខាង​មុខ​នេះ ​រូបគេ​នឹង​ក្លាយ​ជា​កីឡាករ​ពេញ​សិទ្ធិ​តែ​ម្ដង។ Celso ​ជា​កីឡាករ​អាហ្សង់ទីន​ដែល​លោក Mauricio Pochettino ​ចង់​បាន​ជា​យូរ​មក​ហើយ។ ដូច្នេះ ​ការ​ខ្ចី​ជើង​១​រដូវ​កាល ​មុន​ទិញ​ផ្ដាច់​ក្នុង​តម្លៃ​៦០​លាន​ផោន​នេះ ​គឺ​អាច​ថា​ជា​រឿង​ធម្មតា​ក៏​ថា​បាន​សម្រាប់​ក្រុម Spurs ។

ក្រុម​មាន់​ខ្នាយ​មាស Spurs ​រដូវ​កាល​នេះ ​បាន​ចំណាយ​ដល់​ទៅ​១០១​លាន​ផោន​ដែរ ​ក្នុង​ការ​ទិញ​ដូរ​កីឡាករ ខណៈ​ដែល​រដូវ​កាល​កន្លង​ទៅ ពួកគេ​មិន​បាន​ចំណាយ​១​រៀល​សោះ​ឡើយ។ ការ​ចំណាយ​ច្រើន​នេះ គឺ​យោង​ទៅ​តាម​អ្វី​ដែល​ពួកគេ​ធ្វើ​បាន​រដូវ​កាល​មុន ឡើង​ដល់​វគ្គ​កំពូល​ក្នុង​ពាន​រង្វាន់ UEFA Champions League ៕ប្រភព៖ Dailymail

ភ្ជាប់ទំនាក់ទំនងជាមួយ CTS SPORT