បញ្ចប់នាមជាកីឡាករ ជើងចាស់ Wayne Rooney បានផ្លាស់មកដឹកនាំនៅក្លឹប Derby County ជាផ្លូវការ ដែលលោកនឹងចាប់ផ្តើមចូលកាន់តំណែងនេះនាខែមករា ឆ្នាំ ២០២០ តទៅ។
ជើងស៊ុតរបស់បិសាចក្រហមបានព្រមព្រៀងកុងត្រារយៈ ពេល ១៨ ខែនិងជម្រើសនៃការបន្ថែមទៅឆ្នាំផ្សេងទៀតជាមួយក្លឹបចាស់របស់ Frank Lampard។ ចំពោះថ្លៃឈ្នួលពីការដឹកនាំជាលើកដំបូងនៅលីគកំពូលលំដាប់ ២ Rooney ត្រូវបានសារព័ត៌មាន TheSun បង្ហើបថាអាចទទួលបានប្រមាណ ៨៥ ០០០ ផោន/សប្តាហ៍។
កុងត្រានៅសេសសល់ជាមួយក្លឹប DC United កីឡាករវ័យ ៣៣ ឆ្នាំនឹងនៅតែបន្តលេងដូចដើម ជាមួយភារកិច្ចស្វែងរកជោគជ័យនៅលីគកំពូល MLS Cup ។
សាមីខ្លួនផ្ទាល់ Rooney បាននិយាយពីការចាត់តាំងនេះថា៖ “ខ្ញុំពិតជារំភើបដែលមានឱកាសចូលរួមជាមួយ Derby County ដោយខ្ញុំកំពុងឆ្ពោះទៅចូលរួមបម្រើការជាមួយលោក Phillip Cocu និងបុគ្គលិករបស់គាត់ ក៏ដូចជាក្រុមទាំងមូលចាប់ពីខែមករាតទៅ”។ ប្រភព៖ Express
