Rio Ferdinand អតីតកីឡាករ Man Utd បានសរសើរក្រុម Man City ថាកំពុងស្រែកឃ្លានពានរង្វាន់ជាខ្លាំង ដោយពួកគេហត់ឡើយសម្រាប់ការប្រកួតសំខាន់ៗ។
Manchester City បានគ្រងពាន Community Shield សម្រាប់រដូវកាលថ្មី បន្ទាប់ពីបានយកឈ្នះ Liverpool ដោយបាល់ប៉េណាល់ទី ក្រោយបញ្ចប់៩០នាទីស្មើគ្នា ១-១ នៅកីឡដ្ឋាន Wembley យប់មិញ។ នេះជាការចាប់ផ្ដើមយ៉ាងល្អសម្រាប់ក្រុមរបស់លោក Pep ដែលត្រូវការពារតំណែងជើងឯករដូវកាលនេះ។
សម្រាប់ទម្រង់លេងរបស់ក្រុម Man City នេះដែរ ត្រូវបានលោកRio Ferdinand ដែលជាអតីតកីឡាករ Man Utd លើកឡើងថាក្រុមមួយនេះហាក់មិនបានបង្ហាញភាពនឿយហត់របស់ខ្លួនទេ ក្នុងការប្រកួតប្រជែងយកពានរង្វាន់។ ជាក់ស្ដែងប្រកួតយប់មិញនេះ ពួកគេអវត្តមានកីឡាករសំខាន់ក្នុងក្រុមប៉ុន្មាននាក់ ប៉ុន្តែអ្នកជំនួសសុទ្ធតែមានសមត្ថភាពអាចលេងដោយភាពជឿជាក់។ នេះបញ្ជាក់បានថា ក្រុម Man City នឹងបន្ដបង្កព្យុះភ្លៀងបានដដែលសម្រាប់រដូវកាលថ្មីខាងមុខនេះ៕ប្រភព៖ Dailymail