Ashley Young នឹងក្លាយជាប្រធានក្រុម Manchester United រដូវកាលនេះ។ នេះបើតាមការបញ្ជាក់របស់អ្នកចាត់ការ Solskjaer ។
Young ជាកីឡាករដែលអ្នកគាំទ្រមិនសូវពេញចិត្តឡើយ ដោយសារតែការលេងរបស់គេខូចច្រើនក្នុងរដូវកាលកន្លងទៅនេះ។ យ៉ាងណាមិញ បើតាមការបញ្ជាក់របស់លោក Solskjaer កីឡាករវ័យ៣៤ឆ្នាំរូបនេះ បែរជាទទួលបានឱកាសធំ ឡើងជាប្រធានក្រុមទៅវិញ។ រូបគេជាកីឡាករម្នាក់មានបទពិសោធនៅក្លឹប Man Utd នេះច្រើន ពោលគឺតាំងពីឆ្នាំ ២០១១មក។ ខ្សែការពាររូបនេះ ផ្លាស់ពីក្រុម Aston Villa មកក្នុងតម្លៃខ្លួន១៧លានផោនកាលពីគ្រានោះ។
តំណែងប្រធានក្រុមនេះដែរ មានកីឡាករជាច្រើនក្នុងក្រុមចង់ធ្វើ។ ជាក់ស្ដែង សូម្បី De Gea ក៏ធ្លាប់បញ្ជាក់ថារូបគេចង់ធ្វើជាប្រធានក្រុមដែរ ព្រោះមានបទពិសោធនៅក្រុមនេះច្រើន ហើយបានចូលលេងនិងយល់ចិត្តសមាជិកក្រុមទាំងអស់។ តែជាចុងក្រោយ ការសម្រេចចិត្តរបស់អ្នកចាត់ការ Solskjaer ក៏បានប្រកាសជាផ្លូវការថា Young នឹងទទួលតួនាទីនេះ៕ប្រភព៖ Thesun
