ក្លឹប Everton បានប្រកាសជាផ្លូវការជុំវិញការចុះហត្ថលេខានាំយកខ្សែប្រយុទ្ធ Moise Kean ជាមួយតម្លៃខ្លួន ២៩ លានផោនចេញពីក្លឹប Juventus។
កីឡាករសញ្ជាតិអ៊ីតាលីរូបនេះ បានហោះមកទឹកដីអង់គ្លេសកាលពីសប្តាហ៍មុន ដែលទើបតែនឹងសម្រេចការត្រួតពិនិត្យសុខភាពមុនប្រកាសនូវដំណឹងផ្លូវការពីការចូលរួមនៅ Goodison Park។ រូបគេបានព្រមព្រៀងលើកុងត្រាដែលទទួលបានប្រាក់ពលកម្មប្រមាណ ៥០ ០០០ ផោន/សប្តាហ៍។
ថ្លែងជុំវិញការមកដល់ក្លឹបថ្មី Kean បានប្រាប់ថា៖ “ខ្ញុំពិតជាមានមោទនភាពជាមួយការពាក់អាវរបស់ក្លឹប Everton ដោយខ្ញុំត្រូវបានបញ្ចុះបញ្ចូលឲ្យចុះហត្ថលេខាក៏ដោយសារ Everton ជាក្លឹបដែលសម្លឹងទៅថ្ងៃអនាគត ហើយខ្ញុំដឹងពីក្លឹបមួយនេះដែលមានមហិច្ឆតាធំ បែបនេះខ្ញុំសង្ឃឹមថានឹងទទួលបានលទ្ធផលល្អលើទីលាន ជាមួយការពាំនាំនូវជោគជ័យទៅកាន់អ្នកគាំទ្រ”។ ប្រភព៖ TheSun