តាមរបាយការណ៍ពី Fabrizio Romano បានចុះផ្សាយថាកីឡាកររបស់ក្លឹប AFC Ajax បានព្រមព្រៀងលក្ខណៈបុគ្គលជាមួយនឹងភាគីខាងក្លឹប Real Madrid ហើយ ស្របពេលមុននេះរូបក៏បានបញ្ជាក់ជាសាធារណៈជុំវិញកិច្ចចរចារវាងក្លឹបនិងភ្នាក់ងាររបស់ខ្លួនផងដែរ។
Van de Beek ដែលជាផ្នែកមួយជួយឲ្យ Ajax ទទួលបានជោគជ័យដល់វគ្គ ៤ ក្រុមចុងក្រោយនៅ Champions League កាលពីរដូវកាល ២០១៨/១៩ អាចនឹងមានភាគរយខ្ពស់ជាងបណ្តាកីឡាករណាទាំងអស់ក្នុងការទៅចូលរួមនៅ Bernabeu សម្រាប់ព័ត៌មានទីផ្សារដោះដូរនាពេលបច្ចុប្បន្ននេះ។
បញ្ជាក់ថាកីឡាករហូឡង់តាមហាងឆេងថ្លៃខ្លួនសព្វថ្ងៃអាចខ្ពស់បំផុតត្រឹម ៤០ លានអឺរ៉ូ ដោយនៅរដូវកាល ២០១៨/១៩ ជាមួយ Ajax រូបគេបង្ហាញខ្លួននៅ Eredivisie បាន ៣៤ លើករកបាន ៩ គ្រាប់និង Assist ១០ លើក ខណៈនៅ UCL រកបាន ៣ គ្រាប់និង Assist ២ លើកក្នុងការបង្ហាញខ្លួន ១២ ប្រកួត។ ប្រភព៖ FoxSportAsia
