ក្រុម Liverpool នឹងត្រូវប៉ះក្រុម Man City នៅម៉ោង១១:៣០នាទីយប់នេះ នាការប្រកួតពានរង្វាន់ Community Shield ក្នុងកីឡដ្ឋាន Wembley ។មុនការប្រកួតនេះចាប់ផ្ដើម លោក Klopp អ្នកចាត់ការក្រុម Liverpool បានបញ្ជាក់ថាលោកចង់ឈ្នះពានរង្វាន់នេះ ដើម្បីជាកម្លាំងចិត្តសម្រាប់កីឡាករខ្លួនលេងរដូវកាលថ្មីខាងមុខ។ ក្រុមកីឡាករហង្សក្រហមទាំងអស់កំពុងមានទំនុកចិត្តលើខ្លួនឯង ដើម្បីយកឈ្នះលើ Man City តែលោកក៏បានដាស់តឿនពួកគេឱ្យត្រូវប្រយ័ត្នខ្ពស់សម្រាប់ការប្រកួតនេះដែរ ព្រោះក្រុមរបស់លោក Pep ក៏ជាក្រុមខ្លាំងមួយមិនអាចមើលស្រាលបាន។
ដោយឡែកសម្រាប់លោក Pep វិញក៏បានបញ្ជាក់ដែរថាលោកបានឮសម្ដីជាច្រើនពីខាងក្រុម Liverpool និយាយថា Man City ចំណាយប្រាក់ច្រើនដើម្បីទិញកីឡាករ។ រឿងនេះដែរ អ្នកចាត់ការរូបនេះមិនចង់ឮទៀតនោះទេ ព្រោះក្រុមទាំងអស់ធ្វើអ្វីទៅតាមច្បាប់បានចែង។ មិនមានការចំណាយលើសកំណត់ឡើយ ហើយសម្រាប់ការប្រកួតវិញ លោកបានត្រៀមរួចជាស្រេចដើម្បីប្រកួតជាមួយ Liverpool ឱ្យបានល្អបំផុត៕
ប្រភព៖ liverpoolfc