លោក Zidane កំពុងជួបបញ្ហាច្រើនក្នុងការដឹកនាំក្រុម Real Madrid ជាលើកទី២នេះ ដោយកំពុងឈ្លោះជាមួយ Gareth Bale ផង ហើយទម្រង់លេងក្រុមក៏អន់ថែមទៀត។ការចំណាយប្រាក់ទិញកីឡាករថ្មីចូលយ៉ាងច្រើនសន្ធឹកសន្ធាប់មកនេះ ហាក់មិនទាន់អាចធ្វើឱ្យអ្វីប្រសើរឡើងនោះទេ តែបែរជាធ្វើឱ្យក្រុមលេងមិនស៊ីចង្វាក់គ្នាទៅវិញ។ ជាក់ស្ដែង ក្នុងការប្រកួតមិត្តភាពកន្លងមក ក្រុម Real Madrid ពិបាកឈ្នះណាស់ ហើយកីឡាករចាស់ៗក្នុងក្រុមវិញក៏លេងមិនល្អថែមទៀត តែបែរជាល្អកីឡាករក្មេងៗទៅវិញ។
កត្តានេះហើយបានធ្វើឱ្យអ្នកគាំទ្រហាក់អស់ជំនឿចិត្តទៅលើ Zidane ក្នុងការស្រោចស្រង់ក្លឹបឱ្យខ្លាំងវិញណាស់។ មានប្រភពនៅអេស្ប៉ាញជាច្រើនបានលើកឡើងថា បេក្ខភាពទី១ដែលត្រូវជំនួស Zidane ត្រូវបានលោក Perez មើលឃើញទៅហើយ។ ម្នាក់នោះគឺ Jose Mourinho ដែលជាអតីតអ្នកចាត់ការធ្លាប់ដឹកនាំក្រុម Real Madrid នេះម្ដងមកហើយ។ ប្រសិនណាបើ Zidane នៅតែបន្ដដឹកនាំមិនល្អ ពេលបើករដូវកាលទៀត នោះលោក Perez នឹងអាចយក Jose មកជំនួសហើយ៕
ប្រភព៖ DailyMail