ខ្សែប្រយុទ្ធ Lionel Messi ត្រូវសហព័ន្ធបាល់ទាត់អាមេរិកខាងត្បូងពិន័យមិនឱ្យចូលលេងបាល់នៅជម្រើសជាតិ៣ខែ និងពិន័យជាប្រាក់ជិត៥ម៉ឺនដុល្លារចំពោះរឿងរូបគេថាការប្រកួត Copa America មានរឿងពុករលួយ។
អាហ្សង់ទីន បានចំណាត់ថ្នាក់លេខ៣ក្នុងការប្រកួត Copa America នៅប្រេស៊ីល ដោយចំណាត់ថ្នាក់លេខ៣នោះ ក្នុងប្រកួតចុងក្រោយ Messi បានកាតក្រហម ហើយមិនព្រមឡើងទទួលមេដាយថែមទៀត។ កីឡាករលេងនៅក្លឹបអាជីព Barcelona បានចោទប្រកាន់សហព័ន្ធបាល់ទាត់អាមេរិកខាងត្បូងថាបានរៀបចំកម្មវិធីនេះដើម្បីឱ្យក្រុមប្រេស៊ីលលើកពាន ហើយទម្លាក់ក្រុមអាហ្សង់ទីនមិនឱ្យឡើងទៅវគ្គផ្ដាច់ព្រ័ត្រ។
ការនិយាយបែបនេះហើយ ទើបរូបគេត្រូវពិន័យមិនឱ្យលេងបាល់ទាត់៣ខែ ហើយពិន័យជាប្រាក់រហូតដល់ជិត៥ម៉ឺនដុល្លារថែមទៀត សម្រាប់អ្វីដែលរូបគេចោទប្រកាន់ទាំងមិនមានភស្តុតាង៕ប្រភព៖ Dailymail