ក្រុមបិសាចក្រហម Manchester United ទិញបានខ្សែការពារ Maguire ពីក្រុម Leicester City ហើយ ក្នុងតម្លៃខ្លួន៨០លានផោន ក្នុងកុងត្រា៥ឆ្នាំ ទទួលបាន២សែនផោនក្នុង១សប្ដាហ៍។
បើតាមតម្លៃ៨០លានផោននេះ ក៏បានធ្វើឱ្យកីឡាករអង់គ្លេសរូបនេះ ក្លាយជាខ្សែការពារមានតម្លៃខ្លួនខ្ពស់បំផុតនៅលើលោកនេះផងដែរ ក្រោយពីទម្លាក់តំណែងរបស់ Virgil van Dijk ដែលបានផ្លាស់ទៅលេងនៅ Liverpool ក្នុងតម្លៃ៧៥លានផោន។ កីឡាករវ័យ២៦ឆ្នាំនេះ ក្រុម Man Utd តាមទិញ១២ខែមកហើយ ដោយទើបតែត្រូវរ៉ូវគ្នានៅពេលនេះប៉ុណ្ណោះ។
រូបគេនឹងទៅពិនិត្យសុខភាពនៅថ្ងៃសៅនេះ ហើយបន្ដហ្វឹកហាត់ជាមួយសមាជិកក្រុមនៅថ្ងៃចន្ទ។ គេមិនទាន់ច្បាស់ទេថារូបគេអាចនឹងលេងប្រកួតដំបូង មិត្តភាពបិទទ្វាទល់ក្រុម Blackburn Rovers នៅថ្ងៃអាទិត្យនេះបានឬអត់។ គិតត្រឹមកីឡាករម្នាក់នេះ ក្រុមបិសាចក្រហមចំណាយទិញកីឡាករថ្មីចូលជិត១៥០លានផោនទៅហើយ៕ប្រភព៖ Dailymail