ខ្សែប្រយុទ្ធ Lukaku បានយល់ព្រមលក្ខខណ្ឌផ្ទាល់ខ្លួនជាមួយក្រុម Juventus ហើយ ដោយទទួលបានជាង៨លានផោនក្នុង១ឆ្នាំក្នុងការទៅលេងនៅអ៊ីតាលីនេះ។
កីឡាករបែលហ្សិកខាងលើទើបលេងឱ្យ Man Utd បាន២រដូវកាលប៉ុណ្ណោះ តែក្រោមការដឹកនាំរបស់លោក Ole រូបគេមិនមានឱកាសបានចូលលេងច្រើនឡើយ។ ដូច្នេះហើយ ក្លឹបក៏ចង់បញ្ចេញកីឡាករមាឌធំនេះដែរ ព្រោះបច្ចុប្បន្នមានក្លឹបនៅអ៊ីតាលី ជាពិសេស Juventus ចង់បាន។ តម្លៃខ្លួនរបស់ Kukaku អាចចន្លោះពី៧០ទៅ៨០លានផោន តែក្រុមសេះបង្កង់ក៏មានលក្ខខណ្ឌពិសេស១វិញដែរ។
ក្រុមរបស់លោក Sarri ចង់ឱ្យ Dybala ទៅ Man Utd ដើម្បីជាថ្នូរ ក៏ដូចជាបន្ថយតម្លៃខ្លួនរបស់ Lukaku ខ្លះវិញ។ ស្របពេលបិសាចក្រហមក៏ចង់បានកីឡាករអាហ្សង់ទីននេះទៀត ដូច្នេះហើយការផ្ទេរឬដោះដូរគ្នារបស់ក្រុមទាំងពីរនេះ អាចនឹងកើតឡើងប្រាកដណាស់៕ប្រភព៖ Dailymail
