លោក Omar Berrada ថ្នាក់ដឹកនាំក្រុម Manchester City ប្រាប់ឱ្យលោក Jurgen Klopp ឈប់និយាយរឿងលុយទាក់ទងទៅនឹងការទិញដូរកីឡាកររបស់ក្រុមខ្លួនទៀត។
ប៉ុន្មានថ្ងៃមុននេះ លោក Klopp បាននិយាយថាក្រុម Liverpool មិនអាចតាមទាន់ក្រុម Man City ឡើយ ក្នុងការចំណាយលុយទិញកីឡាករចូលក្នុងរដូវកាលដោះដូរកីឡាករ។ ដោយលោកបញ្ជាក់ថា Man City ចំណាយច្រើនក្នុង១ឆ្នាំៗ ដើម្បីពង្រឹងក្រុមឱ្យកាន់តែល្អថែមទៀត ស្របពេលក្រុម Liverpool វិញ រដូវកាលនេះមិនអាចចំណាយប្រាក់ច្រើនដូចរដូវកាលមុនបានទេ។
ការលើកឡើងបែបនេះ ធ្វើឱ្យលោក Omar មិនសប្បាយចិត្តនោះទេ។ លោកបាននិយាយថា៖ “យើងមានការភ្ញាក់ផ្អើលបន្តិចដែរ។ ខ្ញុំមិនដឹងថាគាត់គិតយ៉ាងមិចទើបនិយាយបែបនេះ។ ខ្ញុំមិនដឹងថាហេតុអ្វីពួកគេទៅមើលក្លឹបដទៃដូច្នេះ។ វាមិនមែនជារឿងត្រូវខឹងឬប្រតិកម្មខ្លាំងអ្វីទេ យើងគ្រាន់តែចង់ធ្វើឱ្យក្រុមកាន់តែល្អ ហើយពួកគេគួរតែឈប់និយាយពីរឿងលុយនេះទៅ។ យើងមិនដែលខ្វល់ចំពោះការចំណាយរបស់ក្លឹបដទៃ ឬក្លឹបរបស់ពួកគេនោះទេ”៕ប្រភព៖ Dailymail
.