តាមសារព័ត៌មាន Mundo Deportivo បានចុះផ្សាយថាក្លឹប Paris Saint-Germain បានដាក់កំហិតឲ្យក្លឹប Barcelona មានពេលវេលាពិចារណាត្រឹមថ្ងៃទី ១០ សីហារឿងរ៉ាវនាំយក Neymar វិលត្រលប់ទៅ Camp Nou ពោលគឺមុនរយៈពេលពីរថ្ងៃនៃការបើករដូវកាល ២០១៩/២០ នៅ Ligue 1។
ទាំងដែលដឹងថាអ្នកមានបុណ្យកំពុងប្រឈមនឹងការពិន័យពី UEFA លើការចាយលុយហួសកំណត់នៃច្បាប់ (FFP) ក្លឹប PSG ក៏បានផ្តល់ជម្រើសពិសេសមួយពោលគឺបើកឲ្យ Neymar ដើរចេញក្នុងលក្ខខណ្ឌខ្ចីជើង តែត្រូវព្រមព្រៀងទុកជាមុនថានឹងទិញផ្តាច់នៅរដូវកាលក្រោយក្នុងតម្លៃពេញ ៣០០ លានអឺរ៉ូ។
នេះជាគន្លងចាស់មួយដែលប៉ារីសធ្លាប់បានធ្វើកន្លងមក ជុំវិញការនាំចូលតារាឆ្នើម Kylian Mbappe ចេញពី Monaco ដែលជាយុទ្ធសាស្រ្តកក់ទុកមុន សឹមបង់លុយតាមក្រោយ ក្នុងគោលដៅបញ្ចៀសការខុសលក្ខខណ្ឌកំណត់របស់ UEFA។ ប្រភព៖ FoxSportAsia