Dani Alves រកបានក្លឹបថ្មីលេងហើយដោយកុងត្រាជាមួយ Sao Paulo ៣រដូវកាល ចោលក្រុមនៅអង់គ្លេស Man City និង Arsenal ដែលចង់បានដែរ។
កីឡាករវ័យ៣៦ឆ្នាំបានសម្រេចមិនបន្ដកុងត្រាលេងឱ្យ PSG ឡើយ ដើម្បីបានទៅរកក្លឹបថ្មីលេង។ មានក្លឹបជាច្រើនបានរូបគេ បើទោះជាអាយុច្រើនក៏ដោយ ជាក់ស្ដែងនៅអង់គ្លេសមាន Manchester City និង Arsenal ជាដើម សុទ្ធតែទាក់ទង។ តែចុងក្រោយ ខ្សែការពាររូបនេះក៏សម្រេចចិត្តផ្លាស់ទៅលេងនៅប្រទេសកំណើតរបស់ខ្លួនវិញជាមួយក្រុម Sao Paulo ។
Alves បានចាកចេញពីប្រេស៊ីលតាំងពីឆ្នាំ២០០២ ដើម្បីស្វែងរកក្លឹបនៅអឺរ៉ុបលេង។ ដោយឆ្នាំ២០១៩នេះ រូបគេបានត្រលប់ទៅជួបអ្នកគាំទ្រក្នុងលីគប្រេស៊ីលវិញហើយ ជាមួយក្រុម Sao Paulo ដែលជាក្លឹបរូបគេធ្លាប់លេងតាំងពីតូច៕ប្រភព៖ Dailymail