Harry Kane ប្រធានក្រុមជម្រើសជាតិអង់គ្លេស មានក្ដីប្រាថ្នាចង់លេងឱ្យដល់កម្រិតរបស់ Lionel Messi និង Cristiano Ronaldo ។
Kane រកបាន២គ្រាប់ឱ្យជម្រើសជាតិអង់គ្លេស យកឈ្នះលើក្រុមទុយណេស៊ី ក្នុងការប្រកួតដំបូងរបស់ពួកគេនៅព្រឹត្តិការណ៍ World Cup 2018 នេះ។ កីឡាករលេងនៅក្លឹប Spurs បាននិយាយក្រោយជួយក្រុមជម្រើសជាតិយកបាន៣ពិន្ទុថា៖ “ខ្ញុំចង់បង្ហាញអ្នកដែលរិះគន់ខ្ញុំថា ពួកគេគិតខុសហើយ។ ខ្ញុំនឹងបង្ហាញអ្នកគ្រប់គ្នាថាខ្ញុំអាចធ្វើបាន ខ្ញុំចង់លេងឱ្យដល់កម្រិតកំពូលដូចកីឡាករដទៃ Messi និង Ronaldo ដែរ។ នេះជាក្ដីស្រមៃរបស់ខ្ញុំ ហើយខ្ញុំនឹងសម្រេចវាឱ្យបាន”។
ខ្សែប្រយុទ្ធវ័យ២៤ឆ្នាំខាងលើនេះ ជាកីឡាករដំបូងគេចាប់តាំងពីឆ្នាំ១៩៩០មក ដែលអាចរកគ្រាប់បាល់បាន២គ្រាប់ឱ្យជម្រើសជាតិអង់គ្លេស ក្នុងការប្រកួតបើកឆាកក្នុងពូលនៃព្រឹត្តិការណ៍ World Cup ។ កីឡាករវ័យក្មេងរូបនេះ ជាកម្លាំងសំខាន់បំផុតហើយសម្រាប់អង់គ្លេសក្នុងការស្វែងរកជ័យជម្នះ៕ប្រភព៖ DailyMail
