នារដូវកាល ២០១៩/២០ ខ្សែប្រយុទ្ធ Gonzalo Higuain ប្រហែលនឹងពុំបានចូលរួមជាមួយក្លឹប Juventus នោះទេ ដោយរូបគេរំពឹងត្រូវចូលរួមនៅក្លឹបថ្មី Roma ក្នុងលក្ខខណ្ឌខ្ចីជើង មុនព្រមព្រៀងលើការទិញផ្តាច់នូវរដូវក្តៅឆ្នាំ ២០២០។
តាមរបាយការណ៍ពី Cds បានចុះផ្សាយថាភាគីខាងក្លឹប Juventus និង Roma បានព្រមព្រៀងក្នុងលក្ខខណ្ឌខ្ចីជើងសម្រាប់ Higuain ហើយ ខណៈកីឡាករអាហ្សង់ទីននឹងលេងឲ្យក្លឹបថ្មីនោះនារដូវកាលក្រោយ ជាមួយនឹងសិទ្ធពេញលេញក្នុងការទិញផ្តាច់នូវតម្លៃខ្លួន ២៧ លានផោន។
សារនេះជារឿងល្អមួយ ព្រោះប្រសិនណា Roma យកបាន Higuain នោះអនាគតរបស់ Edin Dzeko ជាមួយ Inter ក៏នឹងអាចទៅរួចដូចគ្នា។ ប្រទាក់ប្រទិនលើរឿងនេះក៏ឆ្លងដល់អនាគតរបស់ Lukaku ដែលគេក៏នឹងអាចទៅចូលរួមនៅ Inter ព្រមគ្នា ស្របពេល Mandzukic របស់ Juve ទំនងជាវិលមក Old Trafford សងវិញ។ ប្រភព៖ BeSoccer
