FIFA បានប្រកាសរួចជាស្រេចហើយជុំវិញបេក្ខភាព ១០ រូបចុងក្រោយក្នុងការប្រជែងពានរង្វាន់អ្នកចាត់ការល្អបំផុត The Best FIFA Men’s Coach។ លទ្ធផលចម្រាញ់ពឹងផ្អែកលើជោគជ័យក្នុងរយៈពេល ១២ ខែចុងក្រោយ ខណៈកាលពីឆ្នាំទៅពាននេះធ្លាក់លើដៃអ្នកចាត់ការលោក Didier Deschamps ដែលជួយឲ្យបារាំងឈ្នះ WC នៅរុស្ស៊ី។
ដោយឡែកសម្រាប់ការប្រជែងឆ្នាំ ២០១៩ គិតពីជោគជ័យរាប់ចាប់ពីថ្ងៃទី ១៦ កក្កដា ២០១៨ ដល់ ១៩ កក្កដា ២០១៩ ហើយលទ្ធផលនឹងប្រកាសនៅទីក្រុង Milan ប្រទេសអ៊ីតាលីនាថ្ងៃទី ២៣ កញ្ញា។ បញ្ជី ១០ រូបមានដូចខាងក្រោម៖
- Djamel Belmadi (ជម្រើសជាតិអាល់ហ្សេរី)
- Didier Deschamps (ជម្រើសជាតិបារាំង)
- Marcelo Gallardo (ក្លឹប River Plate)
- Ricardo Gareca (ជម្រើសជាតិប៉េរូ)
- Pep Guardiola (ក្លឹប Manchester City)
- Jurgen Klopp (ក្លឹប Liverpool)
- Mauricio Pochettino (ក្លឹប Tottenham Hotspur)
- Fernando Santos (ជម្រើសជាតិព័រទុយហ្គាល់)
- Erik ten Hag (ក្លឹប Ajax)
- Tite (ជម្រើសជាតិប្រេស៊ីល)
ប្រភព៖ AF