James Rodriguez នៅតែបន្តហ្វឹកហាត់ត្រៀមខ្លួនចូលជួយតតាំងក្លឹបរបស់ខ្លួននៅឯទឹកដី Madrid ត្បិតអីឈ្មោះរបស់គេពុំបានទៅចូលរួមនៅព្រឹត្តិការណ៍ Audi Cup ក្នុងប្រទេសអាល្លឺម៉ង់ក៏ដោយ។
មិនថា James, Gareth Bale, Brahim Diaz, Luka Jovic និង Ferland Mendy ជាប់ក្នុងបញ្ជីឈ្មោះកីឡាករដែលអវត្តមានក្នុងការប្រកួតនៅ Audi Cup ខណៈកាលពីថ្មីៗនេះក្លឹបទើបចាញ់ Spurs ១-០ ហើយត្រៀមបន្តប៉ះគ្នាជាមួយ Fenerbahce នៅយប់នេះដើម្បីដណ្តើមយកកៅអីលេខ ៣។
យ៉ាងណាមិញតាមសារព័ត៌មាន Marca បានបញ្ជាក់ថា James នឹងត្រៀមខ្លួនរួចរាល់ក្នុងការពាក់ឈុតសសារជាថ្មី នៅប្រទេសអូទ្រីស អំឡុងពេលដែល Madrid ត្រូវប្រកួតកម្តៅសាច់ដុំជំនួបលើកទី ៦ ទល់ Red Bull Salzburg មុនបើកការប្រកួតប្រជែងនៅរដូវកាលថ្មី ២០១៩/២០។
នៅបន្ទាប់នោះយើងនឹងបានដឹងកាន់តែច្បាស់ តើអនាគតរបស់ James នឹងប្រែទៅជាបែបណាក្រោយបញ្ចប់ភារកិច្ចខ្ចីជើងនៅ Bayern ពោលគឺថាអាចក្លាយជាតួឯក ឬបានត្រឹមស្រមោលអង្គុយកៅអីបម្រុងម្តងហើយម្តងទៀត? ប្រភព៖ AF