យោងតាមរបាយការណ៍ Libertad បានចុះផ្សាយថាអតីតអ្នកចាត់ការលោក Jose Mourinho កំពុងឈរឈ្មោះជាបេក្ខភាពអាចចូលកាន់តំណែងអ្នកចាត់ការថ្មីនៅក្លឹបប្រជៀវ Valencia។
Jose អាចនឹងដើរចូលក្របខ័ណ្ឌ LaLiga បន្ទាប់ពីទំនេរជើងគ្មានការងារធ្វើតាំងពីខែធ្នូ ឆ្នាំ ២០១៨ គ្រាដែលក្លឹបបានបណ្តេញបុរសសញ្ជាតិព័រទុយហ្គាល់នេះចេញ ហើយកំពុងខ្វាត់ខ្វែងស្វែងរកទ្រនំថ្មីមួយសម្រាប់ខ្លួនឯងមុនរដូវកាល ២០១៩/២០ ឈានចូលមកដល់។
សព្វថ្ងៃ Marcelino ជាអ្នកចាត់ការពេញសិទ្ធនៅ Valencia តាមដែលដឹងកំពុងមានភាពរកាំរកូសជាមួយក្លឹប ត្បិតកាលពីរដូវកាលចាស់ជួយឲ្យក្រុមយកឈ្នះ Barcelona នៅ Copa del Rey ក៏ពិតមែន។ មួយផ្សេងទៀតភ្នាក់ងាររបស់ Mourinho គឺលោក Jorge Mendes ត្រូវបានគេបង្ហើបប្រាប់ថាមានទំនាក់ទំនងល្អស្រាប់ជាមួយប្រធានក្លឹបលោក Peter Lim។ ប្រភព៖ Goal