ក្រុម Manchester United បានបន្ដកំណត់ត្រាឈ្នះប្រកួតមិត្តភាពទី៥របស់ខ្លួនកាលពីយប់មិញនេះ ដោយឈ្នះក្រុម Kristiansund ក្នុងលទ្ធផល ១-០។
ការប្រកួតមិត្តភាពនេះដែរ ក្រុម Man Utd ហាក់មិនពិបាកនោះទេ ត្បិតអីក្រុម Kristiansund ជាក្រុមមិនសូវជាខ្លាំងឡើយ។ ខណៈដែលការប្រកួតនេះទៀតសោត បិសាចក្រហមក៏បានដាក់យុវជនរបស់ចូលលេងច្រើនដែរ ដើម្បីឱ្យពួកគេបានបង្ហាញសមត្ថភាពលើទីលាន។ ក្រុមរបស់លោក Ole កំពុងធ្វើឱ្យអ្នកគាំទ្រពេញចិត្ត បើមើលទៅតាមលទ្ធផលដែលពួកគេធ្វើបានសម្រាប់ការប្រកួតមិត្តភាពកន្លងមកនេះ។
សម្រាប់ជំនួបបន្ទាប់ដែលជាការប្រកួតមិត្តភាពចុងក្រោយរបស់ពួកគេ នឹងត្រូវប៉ះក្រុម AC Milan ក្នុងពានរង្វាន់រង្វាន់ ICC ។ ការប្រកួតលីគកំពូលអង់គ្លេស នឹងចូលមកវិញនៅថ្ងៃទី១១ខែសីហាខាងមុខនេះហើយ ដោយប្រកួតដំបូងរបស់ Man Utd នឹងប៉ះក្រុម Chelsea ៕ប្រភព៖ Dailymail
