Real Madrid ​បន្ដ​ចាញ់ Spurs ​ក្នុង​ប្រកួត​មិត្តភាព​របស់​ខ្លួន​

Real Madrid ​បាន​បន្ដ​ចាញ់​ក្រុម Spurs ​ទៀត​ក្នុង​ការ​ប្រកួត​មិត្តភាព​ក្នុង​ពាន​រង្វាន់ Audi Cup ​កាល​ពី​យប់មិញ​នេះ​ក្នុង​លទ្ធផល ១-០។

ក្រុម​របស់​លោក Zidane ​នៅ​តែ​ធ្វើ​មិន​បាន​ល្អ​ដដែល ​សម្រាប់​ការ​ប្រកួត​បើក​រដូវ​កាល​នេះ។ ជាក់​ស្ដែង បើ​ទោះ​ជា​ការ​ប្រើប្រាស់​ទម្រង់​លេង​ប្ដូរ​ច្រើន​យ៉ាង​ណា​ក៏​ដោយ ​ក៏​មិន​ទាន់​ឃើញ​ទម្រង់​មួយ​ដែល​អាច​ល្អ ​លេង​ស៊ី​ចង្វាក់​គ្នា​នៅ​ឡើយ​ដែរ។ ការ​បរាជ័យ​ក្រោម​ថ្វី​ជើង​ក្រុម Spurs ​ក៏​បាន​ធ្វើ​ឱ្យ​មាន​បន្ទុក​ខ្លាំង​សម្រាប់​លោក Zidane ​ដែរ ​បើ​ទោះ​ជា​ការ​ប្រកួត​នេះ​ត្រឹម​ជា​ប្រកួត​មិត្តភាព​ក៏​ដោយ។

រំលឹក​ថា​៤​ប្រកួត​កន្លង​មក​នេះ ​ក្រុម Real Madrid ​ចាញ់​៣​ប្រកួត​ទៅ​ហើយ ​ខណៈ​ដែល​១​ប្រកួត​ដែល​ឈ្នះ​នោះ​គឺ​ឈ្នះ​ក្រុម Arsenal ​ដោយ​បាល់​ទាត់​១១​ម៉ែត្រ​កាត់​សេចក្ដី​ថែម​ទៀត។ ប្រកួត​បន្ទាប់​របស់​ក្រុម​នេះ ​នឹង​ត្រូវ​ប៉ះ​ក្រុម Fenerbahçe ​នៅ​យប់​នេះ​ម៉ោង​១១​:៣០​នាទី​យប់​តែ​ម្ដង៕ប្រភព៖ Dailymail

ភ្ជាប់ទំនាក់ទំនងជាមួយ CTS SPORT