ក្លឹប PSG បានប្រកាសនូវដំណឹងផ្លូវការជុំវិញការចុះហត្ថលេខានាំយក Idrissa Gueye របស់ក្លឹប Everton នូវតម្លៃខ្លួនប្រមាណ ២៨ លានផោនមកចូលរួមនារដូវកាលក្រោយ ២០១៩/២០។
ស្ថិតក្នុងកុងត្រារយៈពេល ៤ ឆ្នាំ កីឡាករវ័យ ២៩ ឆ្នាំរូបនេះបានប្រែក្លាយជាកីឡាករសេណេហ្គាល់លើកទី ៨ ដែលមកចូលរួមនៅទ្រនំនៃទឹកដីប៉ារីស។ លោកបានចំណាយពេល ៤ ឆ្នាំជោគជ័យគួរសមនៅអង់គ្លេស (Aston Villa/Everton) និងធ្លាប់លេងនៅ Lille បាន ១៧៦ ប្រកួតផងដែរ។
ប្រាប់គេហទំព័រផ្លូវការ Gueye និយាយថា៖ “ខ្ញុំពិតជាមានមោទនភាពសម្រាប់ការចុះហត្ថលេខាជាមួយ Paris Saint-Germain ដោយចង់អរគុណដល់ប្រធានក្លឹប អ្នកចាត់ការនិងបុគ្គលិកទាំងអស់ដែលមានទំនុកចិត្តលើរូបខ្ញុំ បែបនេះខ្ញុំនឹងធ្វើគ្រប់យ៉ាងដើម្បីក្លឹបមួយនេះ”។ ប្រភព៖ AF