Gareth Bale មិនបានចូលរួមជាមួយក្រុម Real Madrid ដើម្បីហោះទៅអាល្លឺម៉ង់លេងពានរង្វាន់ Audi Cup ឡើយ ដោយសារតែរូបគេស្មុគស្មាញខ្លាំងពេក។
ប្រភពបានបញ្ជាក់ថា Bale ចង់ទៅលេងនៅក្លឹបចិន Jiangsu Suning ដែលផ្ដល់ឱ្យរូបគេជាង១លានដុល្លារសម្រាប់១អាទិត្យ។ តែគួរឱ្យសោកស្ដាយ ក្រុម Real Madrid បានច្រានចោលសំណើនោះ ធ្វើឱ្យរូបគេនៅតែជាកីឡាករ Real Madrid ទៀតដដែល ស្របពេល Zidane មិនបានដាក់ឈ្មោះរូបគេលេងឡើយ។
ការមិនបានទៅលេងនៅចិននេះដែរ អាចនឹងធ្វើឱ្យអនាគត Bale នៅតែមិនច្បាស់ដដែលនៅ Real Madrid ព្រោះរូបគេនឹងមិនមានឱកាសបានលេងច្រើនឡើយ។ ដោយអាចត្រឹមអង្គុយកៅអីបម្រុង មានឈ្មោះម្ដងម្កាលដូចមុនអីចឹង៕ប្រភព៖ Dailymail