ខ្សែប្រយុទ្ធវ័យ ២៦ ឆ្នាំរបស់ K-Leage All Stars គឺកីឡាករ Taggart ដែលចូលរួមចំណែកស៊ុតគ្រាប់បាល់ទី ៣ បញ្ចប់លទ្ធផលស្មើទល់ក្រុមរបស់លោក Maurizio Sarri បាននិយាយដោយត្រង់ៗថាការលេងប៉ះសេះបង្កង់នៅសេអ៊ូលថ្ងៃមុនគឺមានភាពងាយស្រួល។
ត្បិតមានខ្សែការពារកំពូលដូចជា Leonardo Bonucci និង Matthijs de Ligt តតាំងលើទីលានប្រកួតក៏ដោយ ប៉ុន្តែខ្សែប្រយុទ្ធរូបនេះប្រាប់ថា៖ “និយាយដោយស្មោះត្រង់ទៅ វាមានអារម្មណ៍ថាស្រួលជាងការលេងនៅលីគកំពូល K-Leauge ដោយនៅទីនេះពេលអ្នកទទួលបានបាល់ នោះនឹងមានមនុស្ស ៣ នាក់នៅតាមបិទអ្នក ខណៈពេលលេងប៉ះក្រុមអឺរ៉ុប ហើយប្រើប្រាស់នូវតិចនិកដែលខ្ញុំបានប្រើកន្លងមក មើលទៅវាហាក់ជាងាយស្រួលជាង”។
លោកបន្តថា៖ “អ្នកអាចមានពេលច្រើនជាងមុនក្នុងការគ្រប់គ្រងបាល់ និងដាក់ចិត្តក្នុងការប្រកួតកាន់តែច្រើន”។ ប្រភព៖ AF