UEFA បានចេញផ្សាយនូវបញ្ជីបេក្ខភាពអ្នកស៊ុតគ្រាប់បាល់ល្អដាច់គេប្រចាំរដូវកាលចាស់ ២០១៨/១៩ ចំនួន ១០ រូបដោយក្នុងនោះរាប់បញ្ចូលទាំងបាល់ទាត់ផ្នែកបុរស/ស្រ្តី ជាមួយទាំងការលេងឲ្យក្លឹបនិងជម្រើសជាតិ។
ការចម្រាញ់នេះឆ្លងកាត់គ្រាប់បាល់ជាច្រើនក្នុងការប្រកួត Champions League, Europa League, European Champinoship (វគ្គជម្រុះ), European Championship វ័យក្រោម ១៧ ឆ្នាំនិង Champions League ផ្នែកនារី។
ក្នុងនោះមានដូចជាគ្រាប់បាល់របស់ Cristiano Ronaldo, Danilo, David Faupala, Enzo Millot, Ismaila Sarr, Ivan Rakitic, Katerina Svitkova, Lionel Messi, Nani និង Pedro Rodriquez។
បញ្ជាក់ថាសម្រាប់ Ronaldo គឺ UEFA ចុចយកគ្រាប់បាល់នៅវគ្គជម្រុះក្នុងពូល ដែលក្លឹបខ្លួនតតាំង Man Utd ហើយរូបលោកស៊ុតបាល់ Volley បានយ៉ាងស្អាត។ ខណៈមិត្តរួមក្រុម Danilo គឺជាបាល់កើតចេញពីការប្រកួតនៅវគ្គជម្រុះ Euro តតាំងក្រុមស៊ែប៊ី។ ប្រភព៖ AF
