Nemanja Matic ថាសមាជិកក្រុម Manchester United នាពេលបច្ចុប្បន្ននេះ មិនអាចឈ្នះពានរង្វាន់បានឡើយ ព្រោះពួកគេខ្វះបទពិសោធ។Matic វ័យ៣០ឆ្នាំ ជាបេក្ខភាពមួយរូបធ្វើជាប្រធានក្រុម Man Utd រដូវកាលថ្មីខាងមុខ ក្រោយពីបង្ហាញខ្លួនគ្រប់ការប្រកួតទាំងអស់នា Pre Season នេះ។ ស្របពេលការប្រកួតទាំង៤លើកកន្លងមក ក្រុមបិសាចក្រហមនេះក៏ធ្វើបានល្អថែមទៀត ដោយឈ្នះគ្រប់ការប្រកួតតែម្ដង។
ត្បិតតែយ៉ាងនេះក្ដី អតីតកីឡាករ Chelsea ខាងលើបាននិយាយថា៖ “គុណភាពនិងបទពិសោធនឹងនាំអ្នកទៅរកពានរង្វាន់។ ក្នុងក្រុមនេះ យើងមានគុណភាព និងគ្មានបទពិសោធទេ។ យើងមានកីឡាករល្អ ៥ទៅ៦នាក់ ប៉ុន្តែពួកគេនៅក្មេង ដូច Rashford និង Martial ជាដើម។ ពួកគេបានបង្ហាញពីគុណភាពរបស់ពួកគេនៅលើទីលាន ប៉ុន្តែពួកគេនៅក្មេងណាស់ក្នុងការនាំក្រុមទៅរកភាពជោគជ័យ”៕
ប្រភព៖ DailyMail